BAINHIRA LA IHA LIAN, BUAT HOTU SAI NONÓK

Bainhira la iha Lian, buat hotu sai nonók!

Hodi Lian ema ko'alia ba malu,

Hodi Lian ema hakerek ba malu,

Hodi Lian ema koñese malu,

Bainhira la iha Lian, ema nia lian sai nonók.

Bainhira la iha Lian buat hotu sai nonók!

Hodi Lian ema hakerek siénsia,

Hodi Lian ema ko'alia siénsia,

Hodi Lian ema hanorin siénsia,

Bainhira la iha Lian, siénsia sai nonók iha fatin, maske nia eziste.

Bainhira la iha Lian, buat hotu sai nonók!

Matan hateke buat hotu iha ita-nia horikle'un, kakutak hahú dulas liuhosi nia pensamentu, no lian hahú halo kompozisaun iha nia mapa mentál no ikusmai nakfilak ba hakerek sira.

Hodi Lian ema ko'alia polítika,

Hodi Lian ema hakerek polítika,

Bainhira la iha Lian polítika sai nonók, maske nia eziste.

Bainhira la iha Lian buat hotu sai nonók!

Hodi Lian ema ko'alia kultura,

Hodi Lian ema hakerek kultura,

Bainhira la iha Lian, kultura sai nonók, maske nia eziste.

Bainhira la iha Lian buat hotu sai nonók!

Hodi Lian ema sei hananu,

Hodi Lian ema sei hakerek hananu,

Lian sempre eziste maske la iha Lian.

Bainhira la iha Lian buat hotu sai nonók!

Lian mak xave hodi loke buat hotu atu sai lian iha ema nia moris. Bainhira la iha xave atu loke ema nia moris sai lian, mak ema nia moris ne'e sei taka-an metin no la hatene atu bá ne'ebé! Lian mak Matadalan ba moris.....!

Francisco De Araújo